माघ ४ गते । वरिष्ठ अधिवक्ता दिनेशकुमार त्रिपाठीमाथि कुटपिट गर्ने एक जनालाई प्रहरीले नियन्त्रणमा लिएको छ ।
माघ २ गते काठमाडौँ जिल्ला अदालत अगाडि सडक पार गर्ने क्रममा त्रिपाठीमाथि आक्रमण गर्ने दोलखाको तामाकोशी गाउँपालिका–१ का ४८ वर्षीय ललितकुमार केसीलाई प्रहरीले नियन्त्रणमा लिएको हो ।
प्रहरीका अनुसार निजलाई ज्यान मार्ने उद्योग कसुरमा काठमाडौँ जिल्ला अदालतबाट म्याद थप गरी अनुसन्धान भइरहेको छ ।
उक्त घटनामा संलग्न अन्य व्यक्तिहरुको खोजी भइरहेको प्रहरीले जनाएको छ ।
यही माघ २ गते अदालतको दक्षिण गेटबाहिरको सार्वजनिक सडक खण्डमा ज्रेब्रा क्रसिङबाट सडक पार गर्ने क्रममा अधिवक्ता त्रिपाठीमाथि भिडभित्र रहेका केही व्यक्तिहरूले हुलहुज्जत गर्दै आक्रमण गर्न खोजेका थिए।
.jpeg)
Posts
