पोखरामा स्कुटर चोरी गरेर किनबेच गर्ने गिरोहका ३ जना पक्राउ - Brighter Network

पोखरा, पुस २७ गते । कास्की प्रहरीले चोरी तथा डाँका सम्बन्धी कसुरमा ३ जनालाई पक्राउ गरेको छ ।  पोखरा महानगरपालिका वडा नं.९ पृथ्विचोकमा पार्किङ गरी राखेको ग २५ प ७१३  र ग १८ प २७३७ नं.को स्कुटर चोरी गर्ने ३ जनालाई प्रहरीले नियन्त्रणमा लिएको हो ।

प्रहरीले  पोखरा महानगरपालिका वडा नं.११ बस्ने  २६ वर्षीय  सन्तोष लामिछाने र कास्की मादी गा.पा.वडा नं.३ घर भई हाल पोखरा महानगरपालिका वडा नं.१५ बस्ने २७ वर्षीय किरण परियारलाई पक्राउ गरेको हो । साथै  नवलपरासी पश्चिम सुस्ता गाउँपालिका वडा नं.५ बस्ने  ३० वर्षीय  प्रह्लाद कोहारलाई बिक्री गरेको पाइएपछि उक्त सवारीसाधन किन्नेलाई समेत प्रहरीले पक्राउ गरेको छ  ।

निजहरू तिनै जनालाई कास्की जिल्ला अदालतबाट चोरी तथा डाँका सम्बन्धी कसुरमा म्याद थप गरी थप अनुसन्धान प्रक्रिया अगाडी बढाइएको   छ ।