गजल
गरिबको चुल्होको आगो निभाइदिए
कताबाट कसले यस्ता सामन्ती पठाइदिए ।
गरिबलाई अव कहिल्यै भोकै मर्न पर्दैन
चुनावमा गाउँमा यस्ता हल्ला चलाइदिए ।
सोच्दैछन् गरिब र निमुखाले गाउँमा
गरिबको पनि छुट्टै सरकार आइदिए ।
देशमा नयाँ बिहानी आउला भनि वीरले
रगतले राता राता वस्ती रङ्गयाइदिए ।
सामन्ती शैलीको पुरानो यो समाज
बदल्न खोज्नेलाई पागल बनाइदिए ।
- गणेश प्रसाद पौडेल " बहुरुपी "
Posts
