जिल्ला प्रहरी कार्यालयका अनुसार गुल्मीको मालिका गाउँपालिका वडा ८ सिमलटारीदेखि प्युठानको गौमुखीतर्फ जाँदै गरेको ग १ ज ४५३३ नम्बरको जिप सोमबार बेलुका दुर्घटना भएको हो । जिप दुर्घटनामा परी मालिका गाउँपालिका वडा ८ का पवित्रा जिसी, दिपसन जिसी, सुगम बोहरा, सुशील खत्री, भरत सुनार, फजबहादुर खत्री, माया पाठक, कमला खत्री, पवित्रा खत्री, ज्ञानी खत्री, मदाने गाउँपालिका वडा १ का मुसि खत्री र मालिका गाउँपालिका वडा ७ का गाडी चालक कृष्णबहादुर खत्री घाइते हुनुभएको छ ।
जिपमा सवार सबै यात्रु घाइते हुनुभएको हो । १२ जना घाइतेको शरीरका विभिन्न भागमा चोट लागेको छ । घाइतेहरुको अवस्था सामान्य रहेको जिल्ला प्रहरी कार्यालय गुल्मीका प्रहरी निरीक्षक भूपेन्द्र थापाले बताउनुभयो । उहाँका अनुसार घाइतेलाई उपचारका लागि पुर्कोटदह स्वास्थ्य संस्थामा लागि ल्याइएको छ ।
भोलि अर्थात माघे संक्रान्तिका दिन प्युठानको धार्मिकस्थल गौमुखीमा दर्शन र मेला अवलोकनका लागि उहाँहरु यात्रामा हुनुहुन्थ्यो । जिप सडकदेखि १० देखि १५ मिटर तल खसेको बताइएको छ । घटनाबारे थप अनुसन्धान भइरहेको प्रहरीले जनाएको छ ।
.jpeg)
Posts
