माघ ८, धरान उपमहानगरपालिकाका मेयर हर्क साम्पाङ सिंहदरबार प्रवेश गरेका छन्। रित्तो गाग्री लिएर सिंहदरबार भित्र प्रवेश गर्न खोजेका उनलाई प्रहरीले खाली गाग्री भित्र लान नदिएपछि गेटमै प्रहरीलाई गाग्री बुझाएर उनी खानेपानी मन्त्रालय पुगेका छन् ।
प्रधानमन्त्री केपी शर्मा ओली, अर्थमन्त्री विष्णु पौडेल र खानेपानी मन्त्री प्रदीप यादवलाई भेटेर धरानमा खानेपानी आयोजना माग गर्ने उनको तयारी छ।
यसैका लागि मेयर साम्पाङ मंगलबार सिंहदरबार प्रवेश गरेका हुन्।
सङ्घीय सरकारले धरानको खानेपानी समस्या समाधान नगरेकाले दबाब दिन भन्दै सोमबार काठमाडौँ रित्तो गाग्री बोकेर काठमाडौँ आएका थिए।
.jpeg)
Posts
