नक्कली जग्गाधनी पुर्जा बनाई बैंकमा धितो राखेर एक करोड २० लाख रुपियाँ रकम ठगी गर्ने कार्यमा संलग्न तीनजनालाई काठमाडौँबाट पक्राउ गरिएको प्रहरीले जनाएको छ ।
प्रहरीका अनुसार पक्राउ पर्नेमा बनेपा नगरपालिका वडा नम्बर १ काभ्रेपलाञ्चोकका २२ वर्षीय गौरव कार्की, सोही ठेगाना भएका ३५ वर्षीया ईश्वरीमाया रोका र जितपुर नगरपालिका वडा नम्बर ३ बाराका ३५ वर्षीय दिलिपकुमार सिंह रहेका छन् ।
उनीहरुले चन्दननाथ नगरपालिका वडा नम्बर ८ जुम्लाकी रेशमा श्रेष्ठको नाममा डुडुवा गाउँपालिका वडा नम्बर ५ बाँकेमा दर्ता रहेको कि.नं. ९५१ र कि.नं. ९५२ क्षेत्रफल ११,०६०.३८ वर्गमीटर (३३ कट्ठा जग्गाको नक्कली जग्गाधनी पुर्जा बनाई मुक्तिनाथ विकास बैंक लिमिटेड लगनटोल काठमाडौँबाट एक करोड २० लाख रकम कर्जा लिएका थिए ।
बैंकबाट कर्जा निकालेको रकम उनीहरुले बाँडी लिएको र ठगीखाने कार्यमा संग्लन भएको प्रहरीले जनाएको छ । उनीहरुलाई मंगलबार काठमाडौँ प्रहरीको सहयोगमा काठमाडौँको बुद्धनगर र कोटेश्वरबाट पक्राउ गएिको बाँके प्रहरीले जनाएको छ । पक्राउ परेकाहरुलाई जिल्ला प्रहरी कार्यालय बाँकेमा ल्याएर आवश्यक अनुसन्धान सुरु गरिएको छ ।
.jpeg)
Posts
