फाल्गुन १६, रामेछापको खाँडादेवी गाउँपालिकाकी २३ वर्षीय शर्मिला श्रेष्ठ मृत भेटिएकी छिन् । श्रेष्ठ बिहीबार अपराह्न ५:३० बजे काभ्रेको बनेपास्थित होटेल भ्यु पाहुना घरमा मृत फेला परेको प्रहरीले जनाएको छ ।
जापान जाने तयारीमा रहेकी श्रेष्ठको मोबाइल अफ रहेको र फेसबुक अकाउन्ट पनि डिएक्टिभेट गरिएको थियो। यसरी छोरी सम्पर्कविहीन भएपछि उनका बुबाले इलाका प्रहरी कार्यालय बनेपामा निवेदन दिएका थिए।
उक्त होटेलको सिसिटिभी फुटेजमा एक युवकले शर्मिलालाई बलपूर्वक कोठाभित्र लगेको देखिन्छ, र करिब २५ मिनेटपछि उनी एक्लै होटेलबाट निस्किएको देखिएको प्रहरीले जनाएको छ।
प्रहरीका अनुसार शर्मिलाको शव पोस्टमार्टमका लागि धुलिखेल अस्पताल लगिएको र परीक्षणपछि शुक्रवार परिवारलाई जिम्मा दिइएको छ ।
शर्मिलाका बुबाले घटनाबारे छानबिन गर्न प्रहरीमा उजुरी दिएका छन्। जिल्ला प्रहरी कार्यालय काभ्रेका अनुसार घटनाका बेला शर्मिलासँगै रहेका युवक अहिले फरार छन्। प्रारम्भिक अनुसन्धानका आधारमा यो घटना हत्या हुनसक्ने आशङ्का गरिएको छ।
.jpeg)
Posts
