कास्की, १० फागुन – प्रहरीले अबैध हातहतियार सहित एक जनालाई पक्राउ गरेको छ। कास्कीको माछापुच्छ्रे गाउँपालिका–८ निवासी ५९ वर्षीय मानबहादुर विकलाई एक नाले भरुवा बन्दुकसहित नियन्त्रणमा लिइएको हो।
गोप्य सूचनाको आधारमा वडा प्रहरी कार्यालय बगर, कास्कीबाट खटिएको प्रहरी टोलीलेशनिबार दिउँसो २ बजे विकको घरमा खानतलासी गर्दा अवैध रूपमा लुकाइ राखिएको दुई थान एक नाले भरुवा बन्दुक तथा सोही बन्दुकमा प्रयोग हुने बारुद जस्तो देखिने कालो पदार्थ फेला परेको प्रहरीले जनाएको छ।
पक्राउ परेका विकलाई नियन्त्रणमा लिई सम्मानित कास्की जिल्ला अदालतबाट हातहतियार तथा खरखजाना सम्बन्धी मुद्दामा पाँच दिनको म्याद थप गरी अनुसन्धान प्रक्रिया अगाडि बढाइएको छ।
.jpeg)
Posts
