मृतकका आफन्त सुजन पुनका अनुसार, तुलसीसँगै कार्यरत मिलन तामाङले फोनमार्फत जानकारी दिँदै कम्पनी साहुको अत्याचार र दुर्व्यवहार सहन नसकेर आत्महत्या गरेको बताएका छन्।
तुलसी गत असोज महिनामा इपिएस प्रणालीमार्फत कोरिया गएका थिए। उहाँको मृत्युको खबरले परिवार शोकमा डुबेको छ। म्याग्दी प्रवासी नेपाली सङ्घ (मोना) दक्षिण कोरियाका अध्यक्ष दुर्गा भण्डारी र पत्रकार मनोज गुरुङका अनुसार, हाल शव प्रहरी नियन्त्रणमा राखिएको छ र थप अनुसन्धान भइरहेको छ।
पत्रकार गुरुङले घटनाबारे आत्महत्या वा हत्या भन्ने विषयमा विस्तृत छानबिन आवश्यक रहेको बताएका छन्। कोरियास्थित नेपाली राजदूतावास, एनआरएनए, एमटियु, मोना लगायतका नेपाली समुदायले घटनाको गम्भीर अनुसन्धान गरी दोषीलाई कारबाही गर्न कोरियन सरकारसँग माग गरेका छन्।
तुलसी पुन मगरका एक दाजु र एक बहिनी छन् भने उनका बुबाआमा पहिल्यै दिवंगत भइसकेका छन्। सुजन पुनका अनुसार, तुलसी यसअघि एक वर्ष साउदी अरेबियामा काम गरेर कोरिया जाने उद्देश्यसहित नेपाल फर्किएका थिए ।
.jpeg)
Posts
