फाल्गुन १४, म्याग्दीको अन्नपूर्ण गाउँपालिका–३, दानाको सुके बगरमा बुधबार दिउँसो भ्यान दुर्घटना हुँदा एक जनाको ज्यान गएको छ भने तीन जना घाइते भएका छन्। जिल्ला प्रहरी कार्यालय म्याग्दीका अनुसार, बा ६ च ४६४४ नम्बरको भ्यान सुके बगरबाट नारच्याङतर्फ जाँदै गर्दा सडकबाट करिब ३०० मिटर तल खस्दा दुर्घटना भएको हो।
दुर्घटनामा परेर अन्नपूर्ण–४, घरापकी ४० वर्षीया सुनदेवी गौचनको घटनास्थलमै मृत्यु भएको छ। त्यस्तै, सोही ठाउँकी ४० वर्षीया नमिता चोचाङ्गे र ५० वर्षीया रुपा पुन गम्भीर घाइते भएका छन्, जसमा दुबैजनाको टाउकोमा चोट लागेको छ। साथै, ५२ वर्षीया विष्णु बुढाथोकी सामान्य घाइते भएकी छन्।
घाइतेहरूलाई उद्दार गरी उपचारका लागि बेनी अस्पताल पठाइएको छ। प्रहरीका अनुसार, भ्यानमा चार जना यात्रु सवार थिए। दुर्घटनाको कारण चालकले सवारी नियन्त्रण गुमाउनु भएको बताइएको छ।
.jpeg)
Posts
