प्राप्त जानकारीअनुसार, के.सी.ले आफ्नै घरमा पालेका रेविजको लक्षण देखिएका चार वटा घरपालुवा जनावर— १ भैँसी, १ भैँसीको पाडा, १ बाख्रा, र १ बाख्राको पाठी— शंसुदिन मियाँलाई बेचेका थिए। शंसुदिनले ती संक्रमित जनावरहरू ग. २ च. २७६० नम्बरको गाडीमा वालिङ बजार हुँदै भीरकोट नगरपालिका बयरघारीतर्फ लैजाँदै गरेको विशेष सूचनाका आधारमा प्रहरी टोलीले खोजी गरेको थियो।
प्रहरीले सोही दिन दिउँसो २:३० बजे वालिङ नगरपालिका-१ स्थित इलाकामा उक्त गाडीलाई रोकी जाँच गर्दा, मृत भैँसी, भैँसीको पाडा, बाख्रा, र बाख्राको पाठी फेला पारी बरामद गरेको छ। वालिङ नगरपालिकाका पशु प्राविधिक टोलीले किट परीक्षण गर्दा ती जनावरहरूमा रेविजको संक्रमण पुष्टि भएको छ।
हाल पक्राउ परेका दुवै जनामाथि "संक्रामक रोग फैलाउन नहुने" कसूरमा म्याद थप गरी सम्मानित स्याङ्जा जिल्ला अदालतबाट थप अनुसन्धान भइरहेको प्रहरीले जनाएको छ।
Posts
