माघ २७ गते । जाजरकोटमा मोटरसाइकल दुर्घटनामा परी एक महिलाको ज्यान गएको छ । नलगाड नगरपालिका दल्लीदेखि जाजरकोट सदरमुकाम खलंङ्गातर्फ आउँदैगरेको मोटरसाइकल शनिबार विहान भेरी नगरपालिका १ रिगौटा मोडमा दुर्घटना भएको थियो ।
दुर्घटनामा भेरी नगरपालिका २ रिसाङकी ४० बर्षिया टली बिकको उपचारको व्रmममा नेपालगञ्ज नर्सिङ्गहोममा मृत्यु भएको हो । नलगाड नगरपालिका दल्लीदेखि जाजरकोट खलंङ्गातर्फ आउदै गरेको भे ५ ख ३६६० नम्वरको मोटरसाइकल भेरी नगरपालिका १ रिगौटा मोडमा सडकभन्दा ७ मिटर तल खसेको थियो ।
दुर्घटनामा नलगाड नगरपालिका १ का ३३ बर्षिय भिमबहादुर चदाराले चलाएको मोटरसाइकल अनियन्त्रित भई दुर्घटना भएको प्रहरीले जनाएको छ । पछाडी सवार बिकको मृत्यु भएको जिल्ला प्रहरी कार्यालयका प्रहरी प्रमुख डिएसपी पुरुषोत्तमप्रसाद पाण्डेले बताउनुभयो ।
गम्भीर घाइते चालक चदाराको नेपालगञ्च नसिङगहोममा उपचार भइरहेको जिल्ला प्रहरी कार्यालयले जनाएको छ । मोटरसाइकल दुर्घटनामा मृत्यु हुने बिक चदाराकी फुपु हुनुहुन्छ ।
.jpeg)
Posts
