यो रिहाइ गत जनवरी १९ देखि लागू भएको युद्धविराम सम्झौताको प्रारम्भिक चरण अन्तर्गत गरिएको हो।
युद्धविरामको पहिलो चरणअनुसार रिहा गर्न योग्य रहेका अन्तिम जीवित बन्दीहरूमध्ये थप चार जनालाई पनि शनिबार नै छुटाउने तयारी भइरहेको हमाससँग निकट स्रोतले खुलाएको छ।
रिहा गरिएका ताल शोहम र एवेरु मेन्गिस्तुलाई दक्षिणी गाजाको राफामा एक मञ्चमा लगिएको थियो। शोहमलाई कालो पोशाकमा सजिएका सशस्त्र तथा मुख ढाकेका लडाकूहरूको उपस्थितिमा सम्बोधन गराइयो, त्यसपछि दुवैलाई रेडक्रसको जिम्मा लगाइयो।
सन् २०२३ को अक्टोबर ७ मा प्यालेस्टिनी लडाकूहरूले इजरायलमाथि आक्रमण गरेका थिए, जसका क्रममा कैयौं व्यक्तिहरूलाई बन्धक बनाइयो। त्यसयता गाजा क्षेत्रमा १५ महिनाभन्दा लामो द्वन्द्व चलिरहेको छ।
शनिबार नै मध्य गाजामा अलग समारोहबीच चार जना अन्य बन्धकलाई पनि रिहा गरिने भएको छ। हमाससम्बद्ध स्रोतले एएफपीलाई दिएको जानकारीअनुसार, इस्लामिक समूह हमासले नुसिरात क्षेत्रबाट ती चार जनालाई मुक्त गर्नेछ।
इजरायली अभियान समूह ‘द होस्टेज एण्ड मिसिङ फेमिलीज फोरम’ ले रिहा हुने ६ जना इजरायलीको नाम सार्वजनिक गरेको छ। सूचीमा एलिया कोहेन, ओमेर शेम टोभ, ओमेर वेनकर्ट, हिशाम अल–सैयदसँगै मेन्गिस्तु र शोहमको नाम समावेश छ।
.jpeg)
Posts
