Breaking Posts

6/trending/recent
Type Here to Get Search Results !

एक जनाको ज्यान जाने गरी दुर्घटना गराएर फरार रहेका चालक प्रहरीको नियन्त्रणमा - Brighter Network


काठमाडौँ, ९ फागुन – काठमाडौँको स्युचाटारस्थित दृष्टि आँखा अस्पताल अगाडि सडक खण्डमा भएको सवारी दुर्घटनामा एक जनाको मृत्यु भएको छ। उक्त घटनामा संलग्न फरार चालक सवारी साधनसहित प्रहरीले नियन्त्रणमा लिएको छ।

मङ्गलवार बिहान करिब ७:०५ बजे जिल्ला धादिङ, गंगाजमुना गाउँपालिका वडा नं. ५ घर भई हाल ललितपुरको धोबिघाटमा बसोबास गर्दै आएका ५५ वर्षीय सानु गुरुङ मृत अवस्थामा फेला परेका थिए। प्रारम्भिक अनुसन्धानका क्रममा काठमाडौँ उपत्यका अपराध अनुसन्धान कार्यालय, टेकु र प्रहरी वृत्त, कालीमाटीबाट खटिएको प्रहरी टोलीले दुर्घटनामा संलग्न सवारी साधन तथा चालक पत्ता लगाएको छ।

उक्त दुर्घटना मकवानपुर जिल्ला, थाहा नगरपालिका वडा नं. ५ घर भई हाल काठमाडौँ महानगरपालिका वडा नं. १३, बाफलमा बस्दै आएका १८ वर्षीय उमेश स्याङतानले चलाएको वर्ल्ड वाइड कन्स्ट्रक्सन कम्पनीको रोलरले गराएको खुलेको छ।

प्रहरीले फरार रहेका चालक उमेश स्याङतानलाई मङ्गलवार बिहान करिब १०:३० बजे काठमाडौँ जिल्लाको नागार्जुन नगरपालिका वडा नं. १०, पार्टी चोकबाट सवारी साधनसहित नियन्त्रणमा लिएको छ। हाल उनलाई आवश्यक कानुनी प्रक्रिया पूरा गर्दै थप अनुसन्धान भइरहेको प्रहरी स्रोतले जनाएको छ।

Top Post Ad

post bottom ads

Ads Bottom