काठमाडौं – काठमाडौँको ठमेलमा प्रहरीमाथि आक्रमण गरेको आरोपमा पक्राउ परेका अनेरास्ववियूका विद्यार्थी नेताहरूलाई काठमाडौं जिल्ला अदालतले धरौटीमा रिहा गर्ने आदेश दिएको छ।
अदालतको आदेशअनुसार रमेश फुलारालाई १५ हजार रुपैयाँ तथा कमलराज जोशी, गोपालबहादुर शाही, नवीनसिंह ऐर र दिनेश सिग्देललाई जनही १०-१० हजार रुपैयाँ धरौटीमा रिहा गर्न भनिएको छ।
कमलराज जोशी अनेरास्ववियूका स्थायी कमिटी सदस्य एवं अमृत साइन्स क्याम्पस (अस्कल) इकाइका पूर्व अध्यक्ष हुन्।
उनीहरूलाई प्रहरी वृत्त, दरबारमार्गअन्तर्गत केशरमहल बिटबाट खटिएका प्रहरी हवल्दार जगुलाल घर्ती र जवान नगेन्द्रराज विष्टमाथि सांघातिक आक्रमण गरेको आरोप लागेको छ।
घटनामा परी गम्भीर घाइते भएका हवल्दार घर्तीलाई राष्ट्रिय ट्रमा सेन्टरमा उपचार गरिएको थियो। उनको टाउकोसहित शरीरका विभिन्न भागमा चोट लागेको थियो। त्यस्तै, जवान विष्टको आँखामा र शरीरका अन्य भागमा सामान्य चोट लागेको बताइएको छ।
Posts
