.jpg)
फाल्गुन २ गते । डिपेन्डेन्ट भिसामा बेलायत पठाउने भन्दै ठगी गर्ने दुई जना पक्राउ परेका छन् ।
काभ्रेपलाञ्चोकका दुई युवाले नेहा गुरुङ नामक फेक फेसबुक अकाउन्टमार्फत सम्पर्क गरी प्रलोभन देखाउँदै पीडितसँग छ लाख एक हजार नौ सय ५५ रुपियाँ ठगेको जिल्ला प्रहरी कार्यालय कास्कीले जनाएको छ ।
कास्की प्रहरीले सामाजिक सञ्जाल फेसबुकमा नक्कली आइडी बनाएर ठगी गरेको भन्दै कास्की प्रहरीमा उजुरी परेपछि उनीहरुलाई काठमाडौंको सोह्रखुट्टेबाट बुधबार नियन्त्रणमा लिइएको हो ।
प्रहरीले काभ्रेपलाञ्चोकको चौरी देउराली गाउँपालिका वडा नम्बर ७ का १९ वर्षीय मनिष भुजेल र भुम्लु गाउँपालिका वडा नम्बर ४ का २१ वर्षीय निशान पहारीलाई पक्राउ गरेको हो ।
उनीहरुमाथी जिल्ला अदालत कास्कीबाट सात दिन म्याद थप गरी ठगी, आपराधिक विश्वासघात तथा आपराधिक लाभ (एक्सटर्सन)सम्बन्धी कसुरमा अनुसन्धान अघि बढेको कास्की प्रहरीले जनाएको छ ।
Posts
