Breaking Posts

6/trending/recent
Type Here to Get Search Results !

स्याङ्जा सवारी दुर्घटना अपडेट : एक जनाको मृत्यु, एक घाइते - Brighter Network


स्याङ्जा, १४ फागुन – स्याङ्जाको गल्याङ नगरपालिका–११, खरिपानीस्थित सिद्धार्थ राजमार्गमा गएराति पिकअप भ्यान दुर्घटना हुँदा एक जनाको मृत्यु भएको छ भने एक जना घाइते भएका छन्।


बुधबार राति करिब १ बजेर १० मिनेट जाँदा  बुटवलबाट पोखरातर्फ जाँदै गरेको लु. ३ च. ३३२४ नम्बरको पिकअप भ्यान सडकबाट करिब १०० मिटर तल खसेर दुर्घटना भएको प्रहरीले जनाएको छ।


उक्त भ्यानमा चार जना सवार रहेका थिए। दुर्घटनामा परी पाल्पाको रम्भा गाउँपालिका–३ का २६ वर्षीय चालक मित्रलाल अर्याल गल्याङ नगर अस्पतालमा उपचारका क्रममा राति २:५० बजे चिकित्सकले मृत घोषणा गरेका छन्। सहचालक २३ वर्षीय राधेश्याम बस्याल घाइते भएका छन् र उनको लुम्बिनी मेडिकल कलेज, पाल्पामा उपचार भइरहेको छ।


दुर्घटनाको कारण खुल्न बाँकी रहेको र घटनाबारे थप अनुसन्धान भइरहेको प्रहरीले जनाएको छ। 

Top Post Ad

post bottom ads

Ads Bottom