Breaking Posts

6/trending/recent
Type Here to Get Search Results !

पोखरामा मोबाइल र नगद चोरी गर्ने २३ वर्षीय युवक प्रहरीको नियन्त्रणमा - Brighter Network


पोखरा, फागुन १२ - पोखराको रङ्गशालामा फुटसल खेल्न गएका खेलाडीको मोबाइल तथा नगद चोरी गर्ने एक व्यक्ति पक्राउ परेका छन्।


मिति २०८१ फागुन ६ गते पोखरा रङ्गशालास्थित चेन्जिङ रुममा कपडा फेरेर राखिएको अवस्थामा आइफोन र नगद चोरी भएको घटनाको उजुरी परेको थियो। सोही आधारमा अनुसन्धान अघि बढाएको प्रहरीले मिति २०८१ फागुन ११ गते जिल्ला प्रहरी कार्यालय स्याङ्जाको समन्वयमा स्याङ्जा बिरुवा गाउँपालिका वडा नम्बर ८, आरुखर्क निवासी २३ वर्षीय प्रेम गुरुङलाई शङ्कास्पद अवस्थामा फेला पारेको थियो।


गुरुङको शारीरिक तथा घर कोठा खानतलासी गर्दा विभिन्न कम्पनीका १५ वटा मोबाइल, ४ वटा चार्जर र २ वटा ड्रोन क्यामेरा बरामद गरिएको प्रहरीले जनाएको छ। पक्राउ परेका गुरुङलाई कास्की जिल्ला अदालतबाट चोरी तथा डाँका सम्बन्धी मुद्दामा सात दिनको म्याद थप गरी अनुसन्धान प्रक्रिया अगाडि बढाइएको छ।


प्रहरीका अनुसार पछिल्लो समय पोखरा लगायतका क्षेत्रमा मोबाइल चोरीका घटनाहरू बढ्दै गइरहेका छन्।

Top Post Ad

post bottom ads

Ads Bottom