 |
| तस्विर: गोरखापत्र |
गत बुधबार सीमापारी भारतीय बजारबाट घरायसी प्रयोजनका लागि मोटरसाइकमा राखेर समान लिएर आउनेक्रममा बलरा नगरपालिका–३, निवासी महेन्द्र रायका छोरा १८ वर्षीय गोलु राय घाइते हुनुुभएको थियो । उहाँको अहिले बीएण्डबी अस्पताल काठमाडौंमा उपचार जारी छ ।
गोलुको दाहिने खुट्टामा हड्डी फुटेर रगत जमेपछि खुट्टा नै काट्नुपरेको छ । गोलुका आफन्तले उहाँमाथि भारतीय सीमा सुरक्षा बल (एसएसबी) ले ज्यादतीपूर्ण कुटपिट गरेर यस्तो अवस्था आएको आरोप लगाएका छन् ।
एसएसबीले गोलुलाई घरमा पूजाका लागि समान किनेर फर्किदै गर्दा कुटपिट गरेर गम्भीर घाइते बनाएको बताएका छन् । यो घटना भारतसँगै सीमा जोडिएको बलरा नगरपालिकास्थित लक्ष्मीपुर नाकाको हो ।
गोलु खेतको बाटो भएर भारतबाट समान किनेर फर्किदै गर्नुभएको थियो । एसएसबीले भने गोलु मोटरसाइकल दुर्घटनामा परेर घाइते भएको दाबी गरेको छ ।
सर्लाही प्रहरीका निमित्त प्रमुख एवं प्रहरी नायब उपरीक्षक (डीएसपी) सरोज राईले स्थानीय बासिन्दा र एसएसबीको कुरा बाँझिएको बताउनुुभयो । एसएसबीले गोलुुलाई खानतलासी लिन खोज्दा उहाँ भागेको र लखेट्नेक्रममा तीव्र गतिमा मोटरसाइकल दौडाउँदा दुर्घटनामा परेको भनी आफूहरुलाई जानकारी गराएको डीएसपी राईले बताउनुुभएको छ ।
घाइते युवकलाई वीरगन्ज हुँदै काठमाडौंतर्फ लगेपछि प्रहरीलाई घटनाबारे जानकारी भएको र प्रारम्भिक अनुसन्धानमा घटनालाई दुर्घटनाकै रुपमा लिएको डीएसपी राईको भनाइ छ । स्थानीयले भने अनुसार सीमाक्षेत्रमा एसएसबीको ज्यादती बढेको विषयमा सीमापारीका भारतीय सुरक्षा अधिकारीसँग छलफल गरिने सर्लाहीका सुरक्षा अधिकारीले बताएका छन्।
.jpeg)
Posts
