८ फागुन,
काठमाडौं महानगरपालिका-२४ याट्खा गल्लीमा भएको एक व्यक्तिको हत्यामा संलग्न रहेको आरोपमा प्रहरीले दुई जनालाई पक्राउ गरेको छ।
मंगलबार बिहान ५:५० बजे याट्खा गल्लीमा स्थायी ठेगाना काठमाडौँ महानगरपालिका-११, थायबस्थित २८ वर्षीय सविन शाक्य मृत अवस्थामा फेला परेका थिए। घटनाको जानकारी पाएलगत्तै जिल्ला प्रहरी परिसर काठमाडौं र प्रहरी वृत्त जनसेवाबाट खटिएको टोलीले प्रारम्भिक अनुसन्धान थालेको थियो। अनुसन्धानका क्रममा उक्त घटनामा संलग्न रहेको आशंकामा दुई जनालाई पक्राउ गरिएको छ।
प्रहरीका अनुसार, प्रारम्भिक अनुसन्धानपछि काठमाडौँ जिल्ला अदालतबाट चार दिनको म्याद थप गरी अनुसन्धान अगाडि बढाइएको छ। हत्यामा प्रयोग भएको एक थान बाँसको लाठी प्रहरीले बरामद गरेको छ।
घटनाबारे थप अनुसन्धान भइरहेको प्रहरी स्रोतले जनाएको छ।
.jpeg)
Posts
