घटनापछि जिल्ला प्रहरी कार्यालय प्युठानका प्रमुख, प्रहरी नायब उपरीक्षक (डिएसपी) दीपेश बस्यालको नेतृत्वमा टोली घटनास्थल पुगेको थियो। डिएसपी बस्यालका अनुसार पङ्कजले रिसको झोकमा घन प्रहार गरी आफ्ना काका र काकीको हत्या गरेको स्वीकार गरेका छन्।
प्रहरीसँगको सोधपुछमा उनले भनेका छन्, "सधैँ गाली गर्थे, हेप्थे, थारो भन्थे, सहन सकिनँ, त्यसैले घनले हानेँ।" एक हप्ताअघि रामबहादुरले पङ्कजलाई ‘स्वास्नी पाउन नसकेको थारो’ भन्दै गाली गरेका थिए, जसका कारण पङ्कजको मनमा आक्रोश र घृणा उत्पन्न भएको थियो।
शनिबार राति रक्सी सेवन गरेका पङ्कज घरको दोस्रो तलाबाट भित्र प्रवेश गरेका थिए। सुतिरहेका दम्पतीलाई देखेपछि उनले घन उठाएर तीन पटक टाउकोमा प्रहार गरेका थिए।
प्रहरीले घटनास्थलबाट करिब ५० मिटर टाढा रहेको बारीबाट रगतले लतपतिएको घन र मृतकहरूको रगत पुछेको ब्ल्याङ्केट बरामद गरेको छ। अनुसन्धानका क्रममा पहिलो पटक घटना शंकास्पद रहेको सूचना दिने व्यक्ति नै पङ्कज रहेको खुलेको डिएसपी बस्यालले जानकारी दिएका छन्। "हत्याको सूचना सबैभन्दा पहिला दिन पनि उनैले गरेका थिए, पछि अनुसन्धान गर्दै जाँदा उनी नै दोषी भएको पुष्टि भयो," उनले बताए।
.jpeg)
Posts
