फाल्गुन १५, गोरखाको अजिरकोट गाउँपालिका–१, चिस्याङमा बाटो खन्ने क्रममा माथिबाट खसेको ढुंगाले लाग्दा स्काभेटर चालकको मृत्यु भएको छ।
तनहुँको आँबुखैरेनी गाउँपालिका–६, घुमाउनेका ४५ वर्षीय स्काभेटर चालक रामबहादुर आले मगरको बुधबार दिउँसो मृत्यु भएको हो। जिल्ला प्रहरी कार्यालय गोरखाका प्रहरी नायब उपरीक्षक इन्द्रप्रसाद सुवेदीका अनुसार बा प्र ०६–००१ क ०१३१ नम्बरको स्काभेटरले बाटो खन्दै गर्दा माथिबाट अचानक खसेको ढुंगाले लागेर आले मगरको घटनास्थलमै ज्यान गएको हो।
कालिका हाइड्रोपावरको ड्यामसम्म पुग्ने नयाँ ट्र्याक निर्माणका क्रममा यो दुर्घटना भएको प्रहरीले जनाएको छ।
.jpeg)
Posts
