Breaking Posts

6/trending/recent
Type Here to Get Search Results !

जेसीबीले माथिबाट पल्टाएको ढुंगाले लागेर बालिकाको मृत्यु - Brighter Network


फाल्गुन ५,  गुल्मीमा जेसीबीले माथिबाट पल्टाएको ढुंगाले लागेर बालिकाको मृत्यु भएको छ । जिल्लाको इस्मा गाउँपालिका वडानम्बर–२ छल्दी टार निवासी ८ बर्षीया बिष्णु कुमालको जेसीबीले माथिबाट फालेको ढुंगाले लागेर मृत्यु भएको जिल्ला प्रहरी कार्यालय गुल्मीका प्रहरी नायब उपरीक्षक चिरञ्जीवी दाहालले बताउनुभयो ।


बालिका बिहान स्कुल जानेक्रममा सडक माथिबाट पल्टिएको ढुंगाले लागेर गम्भीर घाइते भएकी थिइन । उनको समयमै उद्धार समेत हुन सकेको थिएन । गम्भीर घाइते भएकी बालिकाको गुल्मी अस्पतालमा उपचार गर्न ल्याइएकोमा डक्टरले मृत घोषणा गरेका थिए ।


छल्दीबाट ठाढुंगा जानेबाटो श्रेष्ठ कन्ट्रक्सन प्रालि तम्घासले तीन वर्ष अघिबाट निर्माणको काम गर्दै आएको छ । जिल्लामा यस्ता घटना पटकपटक घटने गरेका छन् ।


निर्माण व्यवसायीले आवश्यक सावधानी नअपनाउँदा घटना पटकपटक दोहोरिने गरेका छन् । विद्यालय जाँदै गरेकी बालिका घर नजिकै माथिबाट खसेको ढुङ्गाले लागेर टाउकोमा चोट लागेको थियो । चालकलाई अहिले प्रहरीको नियन्त्रणमा लिएको छ ।

Top Post Ad

post bottom ads

Ads Bottom