जिल्ला प्रहरी कार्यालय, नवलपरासीका प्रहरी उपरीक्षक ज्ञानेन्द्र फुँयालका अनुसार धवलको उपचारका क्रममा रुपन्देहीको भैरहवास्थित सिटी अस्पतालमा मङ्गलबार साँझ निधन भएको हो।
झडपमा परी घाइते भएका मोहरम पावारिया र ४५ वर्षीय बैजनाथप्रसाद लोनियाको सोही अस्पतालमा उपचार भइरहेको छ। पावारियाको अवस्था गम्भीर रहेकाले उनलाई सघन उपचार कक्षमा राखिएको छ भने लोनियाको दुवै खुट्टामा चोट लागेको र उनको अवस्था सामान्य रहेको प्रहरी उपरीक्षक फुँयालले बताएका छन्।
मङ्गलबार बिहान १० बजे सामान्य विवादबाट उत्पन्न झडपले उग्ररूप लिएको थियो। झडपमा १९ जना घाइते भएका छन्, जसमा नेपाल प्रहरीका ११, सशस्त्र प्रहरीका चार तथा स्थानीय चार जना रहेका छन्।
झडपका क्रममा इलाका प्रहरी कार्यालय महेशपुरको बा१झ ७४४८ नम्बरको गाडीमा आगजनी गरिएको थियो। स्थिति नियन्त्रणमा लिन प्रहरीले पाँच राउण्ड अश्रुग्यास र तीन राउण्ड हवाई फायर गरेको थियो।
.jpeg)
Posts
