Breaking Posts

6/trending/recent
Type Here to Get Search Results !

पोखरामा लागू औषध ओसारपसार गर्ने जिपसहित ३ जना पक्राउ - Brighter Network


पोखरा, फाल्गुन ९ गते ।  कास्की जिल्लाको पोखरा महानगरपालिका वडा नं. १४ स्थित खाल्टे मसिना क्षेत्रमा लागू औषध ओसारपसार भइरहेको भन्ने विशेष सूचनाका आधारमा प्रहरीले अपरेसन सञ्चालन गरी तीन जनालाई पक्राउ गरेको छ।


प्राप्त जानकारी अनुसार, २०८१ फागुन ८ गते बिहान करिब ७:३० बजे जिल्ला प्रहरी कार्यालय कास्की, लागू औषध नियन्त्रण ब्युरो शाखा कार्यालय पोखरा तथा वडा प्रहरी कार्यालय रामबजारको संयुक्त टोलीले ऐ. १४ स्थित मंगलम कृषि फर्म प्रा.लि.को कम्पाउन्डमा पार्किङ गरिएको लु २ च १५०९ नं. को बोलेरो जिप जाँच गर्दा ठुलो परिमाणमा लागू औषध फेला पारेको हो।



प्रहरीले उक्त जिपबाट डाईजेपाम २६४ एम्पुल, बुर्फिननुर्फिन २६३ एम्पुल र फेनारगन २६५ एम्पुल गरी जम्मा ७९२ एम्पुल लागू औषध तथा ५ थान मोबाइल बरामद गरेको छ।



यस घटनामा संलग्न रहेको आरोपमा प्रहरीले जिप चालक नवलपरासी, पाल्हीनन्दन गा.पा. वडा नं. ६ निवासी ३७ वर्षीय राजेश सैथवार, सोही जिपमा सवार रामग्राम न.पा. वडा नं. १२ निवासी २८ वर्षीय संसद् अन्सारी र सरावल गा.पा. वडा नं. २ निवासी २४ वर्षीय प्रेम सागर यादवलाई नियन्त्रणमा लिएको छ।



नियन्त्रित अभियुक्तहरूलाई सम्मानित कास्की जिल्ला अदालतबाट लागू औषध सम्बन्धी मुद्दामा सात दिनको म्याद थप गरी अनुसन्धान प्रक्रिया अघि बढाइएको प्रहरीले जनाएको छ। प्रहरीका अनुसार लागू औषध ओसारपसार तथा कारोबार विरुद्ध थप अनुसन्धान जारी रहेको छ। 

Top Post Ad

post bottom ads

Ads Bottom