Breaking Posts

6/trending/recent
Type Here to Get Search Results !

होटेलको कोठाबाट खैरो हिरोइनको कारोबार गर्ने दुई जना पक्राउ - Brighter Network


काठमाडौं, ६ फागुन २०८१


काठमाडौं महानगरपालिका-१६ माछापोखरीस्थित एक होटलमा अवैध लागू औषध (खैरो हिरोइन) खरिद बिक्री भइरहेको भन्ने सूचनाका आधारमा प्रहरीले छापा मारेको छ। प्रहरी वृत्त बालाजुबाट खटिएको टोलीले होटलको कोठा नम्बर ४०१ मा खानतलासी गर्दा २८.५७ ग्राम खैरो हिरोइनसहित दुई जनालाई पक्राउ गरेको छ। 


पक्राउ परेका दुवै जनाविरुद्ध काठमाडौं जिल्ला अदालतबाट मिति २०८१/११/०६ गतेबाट लागु हुनेगरी ६ दिनको म्याद थप अनुमति लिइ अनुसन्धान भइरहेको प्रहरीले जनाएको छ। पक्राउ परेका व्यक्तिहरूमा सुनसरी, इटहरी उप-महानगरपालिका-३ स्थायी घर भई हाल काठमाडौं महानगरपालिका-१६ मा बस्ने ४० वर्षीय दीपक राय र नुवाकोट, मेघाङ गाउँपालिका-५ स्थायी घर भई हाल काठमाडौं बस्ने ३३ वर्षीय सुरेन्द्र गुवाजु रहेका छन्।


प्रहरीले घटनास्थलबाट २८.५७ ग्राम खैरो हिरोइन, नगद बिस हजार, एक थान डिजिटल तराजु, रेडमी कम्पनीको मोबाइल १ थान, पोको कम्पनीको मोबाइल १ थान रप्लुज कम्पनीको कीप्याड मोबाइल १ थान बरामद गरेको छ। 

Top Post Ad

post bottom ads

Ads Bottom