 |
| पक्राउ पर्ने व्यक्ति |
पोखरा, ११ फागुन – जिल्ला कास्की, पोखरा महानगरपालिका–३२ मजुवा स्थित पृथ्वी राजमार्ग सडकखण्डमा लागू औषध गाँजा सहित एक जना पक्राउ परेका छन्।
इलाका प्रहरी कार्यालय शिसुवा, कास्कीबाट खटिएको प्रहरी टोलीले शनिबार दिउँसो करिब १२:१० बजे सवारी साधन जाँच गर्ने क्रममा पोखरातर्फ आउँदै गरेको बसमा यात्रा गरिरहेका एक यात्रुलाई नियन्त्रणमा लिएको हो। पक्राउ पर्ने व्यक्ति जिल्ला सप्तरी स्थायी घर भई हाल पोखरा महानगरपालिका–२, बागलुङ बसपार्क निवासी २५ वर्षीय दिपेश चौधरी हुन्।
उनले बोकेको झोलाबाट लुकाइछिपाई ल्याएको चार केजी लागू औषध (गाँजा) फेला परेको प्रहरीले जनाएको छ। उनलाई नियन्त्रणमा लिएर कास्की जिल्ला अदालतबाट लागू औषध सम्बन्धी मुद्दामा सात दिनको म्याद थप गरी अनुसन्धान प्रक्रिया अगाडि बढाइएको छ।
.jpeg)
Posts
