 |
| फाइल तस्विर |
फाल्गुन १०, भारतको उत्तर प्रदेशस्थित प्रयागराजमा जारी महाकुम्भमा स्नान गरी फर्किरहेका नेपाली तीर्थयात्री सवार स्कोर्पियो दुर्घटनामा पर्दा तीन जनाको मृत्यु भएको छ भने सात जना गम्भीर घाइते भएका छन्।
भारतीय सञ्चारमाध्यमका अनुसार उत्तर प्रदेशको बाँसगाउँ थाना क्षेत्रअन्तर्गत गोरखपुर लिंक रोडमा शुक्रबार राति उक्त दुर्घटना भएको हो। मृत्यु हुनेमा सप्तरीको कञ्चनरूप नगरपालिका–७ का लिलावती चौधरी र परशुराम चौधरी तथा वडा नम्बर ५ का जितु यादवकी श्रीमती हरिहरदेवी रहेका छन्।
घाइतेहरूको स्थानीय जिल्ला अस्पतालमा उपचार भइरहेको छ। दुर्घटनामा ज्यान गुमाएका व्यक्तिहरूको खबर प्राप्त भएपछि परिवारका सदस्यहरूले सप्तरीको धरमपुरस्थित प्रहरी चौकीमा शनिबार बिहान जानकारी गराएको प्रहरीले जनाएको छ ।
.jpeg)
Posts
