चैत १३, रौतहटको बृन्दावन नगरपालिका–६, हर्साहामा चक्कु प्रहारबाट ५५ वर्षीय सत्यनन्दन प्रसाद पटेल र १६ वर्षीय राजाबाबु पटेल घाइते भएका छन्।
सोमबार बेलुकी, हर्साहा चोकमा तरकारी किनिरहेका बेला सत्यनन्दनमाथि स्थानीय युवक अरबिन्द पटेलले चक्कु प्रहार गरेका थिए। हजुरबुबालाई जोगाउन खोज्दा राजाबाबु पटेलमाथि अर्का युवक अभिनाश पटेलले बञ्चरो प्रहार गरेका थिए, जसका कारण उनी गम्भीर घाइते भएका छन्।
पीडित परिवारका अनुसार, हमला ज्यान लिने उद्देश्यले गरिएको थियो। हाल घाइते दुबै जनाको उपचार वीरगंजमा भइरहेको छ।
घटनासम्बन्धी अनुसन्धान जारी रहेको प्रहरीले जनाएको छ।
.jpeg)
Posts
