Breaking Posts

6/trending/recent
Type Here to Get Search Results !

वैदेशिक रोजगारीको नाममा ठगी गर्ने तीनजना पक्राउ - Brighter Network


फाल्गुन २१,

वैदेशिक रोजगारीको आकर्षक तलबको प्रलोभन देखाएर विभिन्न देश पठाइदिन्छु भन्दै रकम ठगी गर्ने तीनजना पक्राउ परेका छन्।  


पक्राउ पर्नेमा चितवन भरतपुर महानगरपालिका–१७ निवासी तथा हाल ललितपुर महानगरपालिका–१४ बस्ने ४६ वर्षीय अंगदकुमार जोशी, गोरखा बारपाक सुलिकोट गाउँपालिका–४ निवासी तथा हाल काठमाडौं महानगरपालिका–२६ बस्ने ४७ वर्षीय जगदिश्वर पनेरू, र उदयपुर उदयपुरगढी गाउँपालिका–१ निवासी तथा हाल काठमाडौं महानगरपालिका–३ बस्ने ३३ वर्षीया नरमाया कार्की रहेका छन्।  


अंगदले जापान पठाइदिन्छु भन्दै एक व्यक्तिबाट ११ लाख ६० हजार रूपैयाँ लिएको, जगदीश्वरले क्रोएसिया पठाउने प्रलोभनमा एकजनाबाट दुई लाख रूपैयाँ असुलेको तथा नरमायाले सोही देश पठाइदिन्छु भन्दै एक लाख ९९ हजार रूपैयाँ लिई सम्पर्कविहीन भएको आरोप लागेको छ।  


पीडितहरूको उजुरीको आधारमा काठमाडौं उपत्यका अपराध अनुसन्धान कार्यालय टेकुबाट खटिएको प्रहरीले अंगदलाई सोमबार तथा जगदीश्वर र नरमायालाई मंगलबार पक्राउ गरेको हो। पक्राउ परेकाहरूलाई थप अनुसन्धान र कानुनी कारवाहीका लागि वैदेशिक रोजगार विभाग, ताहाचाल काठमाडौं पठाइएको प्रहरीले जनाएको छ।

Top Post Ad

post bottom ads

Ads Bottom