पक्राउ पर्नेहरूमा महोत्तरीको सोनमा गाउँपालिका–७ का ४२ वर्षीय सुल्तान मंसुर (खुर्सैद), रौतहटको गढीमाई नगरपालिका–९ का ५६ वर्षीय रामनारायण सहनी, सर्लाहीको धनकौल गाउँपालिका–७ का ४८ वर्षीय दुलार सहनी, ब्रह्मपुरी गाउँपालिका–२ का ५० वर्षीय रामपृत सहनी र सोही ठाउँकी ३५ वर्षीया सिहानता कुमारी देवी छन्।
उनीहरू भारतबाट बा.४७ प ८७५७, बीआर ३० सी ४७६६ र बीआर ३० एआई ३०४९ नम्बरका मोटरसाइकलमा नेपाल प्रवेश गर्दा विशेष सूचनाका आधारमा प्रहरीको टोलीले जाँच गर्दा नक्कली नोट बरामद भएको सर्लाही प्रहरीका प्रवक्ता एवं प्रहरी नायब उपरीक्षक (डीएसपी) सरोज राईले जानकारी दिए।
प्रहरीका अनुसार, पक्राउ परेकाहरूको साथबाट नेपाली हजार दरका नोटजस्तै देखिने गरी सेतो कागजबीच राखेर बनाइएको ८८ थान बन्डलमा १७६ थान नक्कली नोट (जम्मा एक लाख ७६ हजार रुपैयाँ) बरामद गरिएको छ।
डीएसपी राईका अनुसार, पक्राउ परेकाहरूमाथि सर्लाही जिल्ला अदालतबाट सात दिनको म्याद थप गराई मुद्रा सम्बन्धी कसुरमा अनुसन्धान अघि बढाइएको छ। यस गिरोहसँग थप व्यक्तिहरू पनि संलग्न हुनसक्ने भन्दै प्रहरीले अनुसन्धानको दायरा विस्तार गरेको छ।
.jpeg)
Posts
