प्रमुख जिल्ला अधिकारी (प्रजिअ) गणेश अर्यालको अध्यक्षतामा बसेको जिल्ला परीक्षा समन्वय समितिको बैठकले वीरगञ्ज महानगरपालिका अन्तर्गतको सुरजीदेवी माध्यमिक विद्यालय परीक्षा केन्द्रमा लापरबाही, अनियमितता र अनुशासनहीनता देखिएको निष्कर्ष निकालेको हो। त्यसअनुसार केन्द्राध्यक्ष नन्द्रकिशोर राम, सहायक केन्द्राध्यक्षहरू सविता चौधरी र चन्द्रशेखर झासहित केन्द्रमा खटिएका सम्पूर्ण निरीक्षकहरूलाई तत्काल जिम्मेवारीबाट हटाइएको हो।
प्रजिअ अर्यालका अनुसार वैकल्पिक सूचीमा रहेका नेपाल राष्ट्रिय माध्यमिक विद्यालय श्रीपुरका ब्रजमोहनप्रसाद कानुलाई नयाँ केन्द्राध्यक्षको रूपमा उक्त केन्द्रमा जिम्मेवारी दिइएको छ। साथै सोही केन्द्रका परीक्षार्थी ‘सिम्बल नम्बर’ ०३७०२४५६ ‘डि’ लाई यस वर्षको परीक्षाबाट निष्काशन गर्ने निर्णय समेत गरिएको छ।
यस्तै, नेपाल राष्ट्रिय विद्यापीठ माध्यमिक विद्यालय श्रीपुरका केन्द्राध्यक्षप्रति पनि अनुशासनप्रति कमजोरी देखिएको भन्दै भविष्यमै सचेत, अनुशासित र सतर्क भई परीक्षा सञ्चालन गर्न निर्देशन दिइएको छ।
.jpeg)
Posts
