प्रमुख जिल्ला अधिकारी ऋषिराम तिवारीका अनुसार कार्यपालिका, व्यवस्थापिका र न्यायपालिकाका कार्यालय, अति विशिष्ट व्यक्तिहरूको निवास तथा मुख्य प्रशासनिक केन्द्र वरपर भेला, अनशन, धर्ना, घेराउ, प्रदर्शन, सभा आदि गर्न रोक लगाइएको हो।
उहाँले भिडभाडमा उच्छृङ्खल गतिविधि, आगजनी, तोडफोड तथा शान्ति सुरक्षामा असर पर्ने सम्भावना रहेकाले यस्तो निर्णय गरिएको जानकारी दिनुभयो। साथै, अन्तर्राष्ट्रिय अभ्यास, अदालतका आदेशहरू तथा स्थानीय प्रशासन ऐन २०२८ को दफा ६(३) बमोजिम निर्णय लिइएको जनाइएको छ।
प्रशासनका अनुसार निषेधित क्षेत्रमा पाँच जनाभन्दा बढी जम्मा भएर कुनै पनि प्रकारको विरोध कार्यक्रम गर्न नपाइनेछ। प्रतिबन्ध आइतबारदेखि लागू भई दुई महिनासम्म जारी रहनेछ।
तर निषेध क्षेत्रबाहिर भने संविधान प्रदत्त विचार र अभिव्यक्तिको स्वतन्त्रता तथा शान्तिपूर्ण भेला हुन पाउने अधिकार सुरक्षित रहने प्रशासनले जनाएको छ।
यदि निषेधित क्षेत्रमा अवज्ञा गरी सार्वजनिक वा निजी सम्पत्तिमा क्षति पुगेमा, त्यस्तो क्षतिको मूल्याङ्कन गरी कार्यविधिअनुसार सम्बन्धित आयोजकसँग क्षतिपूर्ति असुल गरिने चेतावनी आदेशमा उल्लेख छ।
निषेधाज्ञा लागेका क्षेत्रहरू
🔹 राष्ट्रपति कार्यालय (शीतल निवास):
– राष्ट्रिय प्रहरी प्रशिक्षण प्रतिष्ठान चोकदेखि सामाखुसी खोलासम्मका क्षेत्रहरू।
🔹 उपराष्ट्रपति कार्यालय (लैनचौर):
– केशरमहल चोकदेखि मल्ल होटल सिमानासम्म।
🔹 सिंहदरबार क्षेत्र:
– भद्रकाली मन्दिर, पद्मोदय मावि मोड, अनामनगर, हनुमानस्थान मन्दिर, सर्वोच्च अदालत, पुरातत्व विभाग, जिल्ला अदालत, जिल्ला प्रशासन कार्यालय आसपासका सडक।
🔹 प्रधानमन्त्री निवास (बालुवाटार):
– बालुवाटार वर्कशप चोकदेखि गैह्रीधारा, राष्ट्र बैंक, इटालिया चोक, राष्ट्रियसभा अध्यक्ष र प्रधानन्यायाधीशको निवास वरपरको क्षेत्र।
🔹 संसद् भवन (नयाँ बानेश्वर):
– संसद् भवनको चारैतर्फका सडक, बानेश्वर चोकदेखि पूर्व र पश्चिमतर्फ ३०० मिटरको क्षेत्र।
.jpeg)
Posts
