कालीकोटको पलाता गाउँपालिका–९ स्थित घाटपारी चौरमा पर्ने कर्णाली कोरिडोर क्षेत्रमा करिब १० महिनादेखि मजदुरी गर्दै आएका सेजुवाल आज बिहान नदी पार गर्दै गर्दा दुर्घटनामा परेका हुन्। डिजेल बोक्ने तीन वटा ड्रमलाई बाँधेर तयार गरिएको अस्थायी डुङ्गाबाट नदी तर्ने क्रममा डुङ्गा असन्तुलित भएर उनी नदीमा खसेका हुन्।
उक्त डुङ्गामा चार जना मजदुर सवार थिए। तीन जना सकुशल पारि पुगे पनि देवनाथ भने नदीमा हराएको जिल्ला प्रहरी कार्यालय कालीकोटका निमित्त प्रमुख किशोर केसीले जानकारी दिए। "ड्रम जोडिएको डुङ्गा अचानक ढल्किएपछि सेजुवाल खसेका हुन्," उनले भने।
हाल स्थानीय बासिन्दा र सुरक्षाकर्मीहरूको सहयोगमा बेपत्ताको खोजी कार्य तीव्र पारिएको छ। दुर्घटना भएको स्थान नजिकै नेपाली सेनाले चट्टान विस्फोटनसहित कर्णाली कोरिडोरको ११ किलोमिटर खण्ड निर्माण गरिरहेको छ। जोखिमपूर्ण क्षेत्र भए पनि दैनिक मजदुरीका लागि स्थानीय मजदुरहरूले यस्तै असुरक्षित माध्यमबाट नदी तर्ने बाध्यता रहेको छ।
.jpeg)
Posts
