Breaking Posts

6/trending/recent
Type Here to Get Search Results !

सुनजस्तो देखिने भारी मात्राका धातुका गहना सहित एक जना पक्राउ - Brighter Network


चैत १३ गते । प्रहरीले सुनजस्तो देखिने विभिन्न गहनासहित ४१ वर्षीय दिपेश लाल चित्रकारलाई पक्राउ गरेको छ।  


जिल्ला प्रहरी परिसर, काठमाडौंका सूचना अधिकारी प्रहरी उपरीक्षक अपील राज बोहराका अनुसार, नुवाकोटको विदुर नगरपालिका–५ स्थायी घर भई हाल काठमाडौं महानगरपालिका–१४, कलंकी बस्दै आएका चित्रकारलाई आनन्दकुटी क्षेत्रमा सुनका गहना बिक्री गर्न लागेको भन्ने सूचनाका आधारमा पक्राउ गरिएको हो।  


प्रहरीले बरामद गरेका गहनामा नौ गेडी माला (११ थान), सिङ्गल गेडी माला (७ थान), क्रिस्टल माला (१३ थान), मङ्गलसुत्र (६ थान), सोली गेडी माला (१ थान), धातु जडित टप (३ जोर), तिलहरी (१ थान), विभिन्न डिजाइनका क्लिप (९ थान), तीन गेडी मोती माला (३ थान), मोती लकेट माला (१ थान), मोतीहार (१ थान), औंठी (२४ थान), साना फुली (१९ थान) र धातु जडित साना गेडी (३ थान) गरी जम्मा १०२ थान विभिन्न धातुका गहना रहेका छन्।  


पक्राउ परेका चित्रकारलाई बरामद गरिएका गहनासहित थप अनुसन्धान तथा कारबाहीका लागि राजस्व अनुसन्धान विभागमा पठाइएको प्रहरीले जनाएको छ।

Top Post Ad

post bottom ads

Ads Bottom