रेन्बो फ्यामिली ग्यादरिङ नामको समुहमा भारत, अमेरिका, चीन, जापानलगायत देशका १०० भन्दा बढी नागरिक करिब १५ दिनदेखि त्यहाँ बस्दै आएका थिए। प्रमुख जिल्ला अधिकारी गोगनबहादुर हमालका अनुसार उनीहरूसँग पर्यटन भिसा भए पनि पर्यटन बोर्ड वा अन्य कुनै निकायबाट अनुमति लिएको प्रमाण छैन।
"प्रकृतिमा रमाउने उद्देश्यले विभिन्न देश घुम्ने बताउने यो समूहले कानुनी अनुमति नलिएकाले २४ घण्टाभित्र क्षेत्र छाड्न भनिएको हो," प्रमुख जिल्ला अधिकारी हमालले बताए। निर्देशन पालना नभए कारबाही हुने चेतावनीसमेत दिइएको छ।
हालसम्म शान्तिसुरक्षामा प्रत्यक्ष असर पर्ने गतिविधि भने नदेखिएको जनाइएको छ। इलाका प्रहरी कार्यालय सुखडका प्रहरी निरीक्षक दीर्घ साउदका अनुसार पर्यटकहरू क्रमशः जङ्गल छाड्न थालेका छन्।
विदेशी जमघटको समाचार लेखेका स्थानीय पत्रकार प्रकाश मिश्रमाथि बिहीबार हातपात भएको छ। पर्यटन व्यवसायी डबल शाह र होटल सञ्चालक चेतबहादुर सिंहले मिश्रमाथि अभद्र व्यवहार र आक्रमण गरेको आरोपमा मिश्रले इलाका प्रहरी कार्यालयमा किटानी जाहेरी दिएका छन्।
रेन्बो फ्यामिली १९७० को दशकको अमेरिकी हिप्पी आन्दोलनबाट उत्पन्न स्वतन्त्र, प्राकृतिक जीवनशैली अपनाउने र शान्तिपूर्ण समुदाय हो। नियमविहीन, पैसारहित र आध्यात्मिक जीवनशैलीलाई अँगाल्ने यो समूह युरोप, अमेरिका, एशिया हुँदै नेपालसम्म आइपुगेको हो।
सन् २०२३ मा अछाम र २०२४ मा गुल्मीमा भेला भइसकेको यो समूहलाई सन् २०२५ मा कैलाली ल्याउने पहल पर्यटन व्यवसायी डबल शाहले गरेका थिए। घोडाघोडी नगरपालिकाको सहकार्यमा सांस्कृतिक आदानप्रदान कार्यक्रमसमेत गरिएको थियो।
.jpeg)
Posts
