मधेश प्रदेश प्रहरी प्रमुख तथा प्रहरी नायब महानिरीक्षक (डीआईजी) लालमणि आचार्यका अनुसार उनीहरूसँग हाल सोधपुछ भइरहेको छ। पीडित पक्षबाट उजुरी प्राप्त भएकाले सोही आधारमा आवश्यक कानुनी प्रक्रिया अगाडि बढाइने डीआईजी आचार्यले जानकारी दिनुभयो।
विवादित घटना यही चैत १७ गते सुरु हुने महायज्ञको तयारीका क्रममा भएको हो। त्यसका लागि फागुन १० गते दलित समुदायका दीपक मलिक (डोम)को घर भत्काइएको थियो। घर भत्काउने क्रममा गाउँपालिकाको जेसीबी प्रयोग गरिएको थियो र अध्यक्ष यादव स्वयं घटनास्थलमा पुगेका थिए। घटनापछि उक्त जमिनको माटोसमेत हटाइएको थियो, जसलाई जातीय विभेदको रूपमा लिइएको छ र व्यापक विरोध चर्किएको थियो।
घटना संवेदनशील भएर नसम्हालेको भन्दै गृह मन्त्रालयले सिरहाका प्रमुख जिल्ला अधिकारी बासुदेव दाहाललाई शुक्रबार मन्त्रालयमा तानेको छ। साथै, राष्ट्रिय मानवअधिकार आयोग र राष्ट्रिय दलित आयोगले पनि घटनाको गम्भीरता बुझ्दै स्थलगत अनुगमन गरेका छन्।
प्रतिनिधि सभामा पनि सांसदहरूले पटक–पटक संसदमा आवाज उठाउँदै घटनामा संलग्नमाथि तत्काल छानबिन र कडा कारबाहीको माग गरेका छन्। संसदीय छानबिन समिति गठन गर्नुपर्ने मागसमेत उठेको छ।
.jpeg)
Posts
