मतदान प्रतिशतको हिसाबले हेर्दा यो संख्या जम्मा ३९.१२ प्रतिशतमा सीमित रहेको क्याम्पस प्रमुख डा. हरिप्रसाद पाठकले जानकारी दिए। उनका अनुसार कुल ९ हजार २ सय ७० विद्यार्थी क्याम्पसमा अध्ययनरत भए पनि आवश्यक कागजात नल्याउने समस्याका कारण मतदाताको संख्या घटेको हो।
“हामीले विद्यार्थीहरूलाई मतदानका लागि परिचय खुल्ने कार्ड ल्याउन आग्रह गरेका थियौं,” क्याम्पस प्रमुख पाठकले भने, “तर धेरैले कार्ड नल्याएका कारण उनीहरूलाई मतदाता सूचीमा समावेश गर्न नसकिएको हो।”
उनका अनुसार कार्ड अनिवार्य बनाउनुको उद्देश्य निर्वाचन प्रक्रियालाई मर्यादित, पारदर्शी र विश्वसनीय बनाउनु थियो। तर, विद्यार्थीहरूको लापरवाही वा जानकारीको अभावले गर्दा मत खसाउने संख्यामा ठूलो गिरावट आएको हो।
यस पटकको निर्वाचनमा पीएन क्याम्पसको २२ औँ स्ववियु समिति चयन गरिँदैछ। २०६५ सालपछि पहिलो पटक स्ववियु निर्वाचन हुन लागेको क्याम्पसमा विद्यार्थीको मतप्रतिको न्यून सहभागिता भने चिन्ताको विषय बनेको छ।
विश्लेषकहरू भन्छन्—“विद्यार्थी राजनीतिमा घट्दो चासो, प्रशासनिक तयारीमा कमजोरी र सूचनाको प्रभावकारी प्रवाह नहुनु यसका कारण हुन सक्छन्।”
निर्वाचन समितिले भने मत खसेको प्रतिशतमा भन्दा पनि प्रक्रियागत मर्यादा र शान्तिपूर्ण ढंगले निर्वाचन सम्पन्न हुनु मुख्य उपलब्धि भएको बताएको छ।
.jpeg)
Posts
