चैत १ गते, काठमाण्डौ , नेपाली बजारमा आज सुनको मूल्य नयाँ कीर्तिमानमा पुगेको छ। प्रतितोला चार हजार रूपैयाँले वृद्धि भई सुनको मूल्य एक लाख ७४ हजार पाँच सय रूपैयाँमा कायम भएको छ। यसअघि बिहीबार प्रतितोला एक लाख ७० हजार पाँच सय रूपैयाँमा कारोबार भएको सुन आज उच्च मूल्यमा कारोबार भएको हो।
त्यस्तै, चाँदीको मूल्य पनि प्रतितोला दुई हजार ५० रूपैयाँमा कायम भएको छ।
नेपाल सुन चाँदी व्यवसायी महासंघका प्रथम उपाध्यक्ष धर्मसुन्दर बज्राचार्यका अनुसार यो मूल्यवृद्धिको मुख्य कारण आन्तरिक नभई बाह्य पक्षहरू हुन्। उहाँले अमेरिकी डलरको दरवृद्धि र अन्तरराष्ट्रिय राजनीतिक घटनाक्रमले सुनको मूल्यमा असर गरेको बताउनुभयो। “अन्तरराष्ट्रिय बजारमा मूल्य बढेकाले सोहीअनुसार स्थानीय बजारमा समायोजन गरिएको हो,” बज्राचार्यले रासससँग भन्नुभयो।
अन्तरराष्ट्रिय बजारमा आज सुनको मूल्य प्रतिऔंस २,९८२ अमेरिकी डलरको आसपासमा कारोबार भइरहेको छ।
.jpeg)
Posts
