रामेछाप जिल्लाको रामेछाप नगरपालिका–५, रामपुरस्थित बसन्त सामुदायिक बनमा लागेको डढेलो बस्तीमा फैलिँदा ६ वटा घरगोठ जलेर नष्ट भएका छन्।
हिजो दिउँसो बेलटार क्षेत्रबाट सुरू भएको आगो बस्तीमा पस्दा ४ वटा गोठ र २ वटा घर जलेको रामेछापका प्रमुख जिल्ला अधिकारी राजुप्रसाद पौडेलले जानकारी दिए।
डढेलो नियन्त्रणका लागि नेपाल प्रहरी, नेपाली सेना, सशस्त्र प्रहरी, र स्थानीय बासिन्दाहरू जुटिरहेका छन्। वडा अध्यक्ष हरिचन्द्र श्रेष्ठका अनुसार, आगो रामपुरका ठिङ्ग्रे, चुकिया, र स्वाङग्रा गाउँमा पुगेको छ। हाल, अग्नि रेखा बनाई आगो नियन्त्रणको प्रयास भइरहेको छ।
डढेलोका कारण ६ वटा बाख्रा तथा कुखुराहरू मरेका छन्। वडा अध्यक्ष श्रेष्ठले मानवीय क्षति नभए पनि घर तथा गोठमा रहेका खाद्यान्न, लुगाफाटा, र अन्य आवश्यक सामग्री जलेर नष्ट भएको जानकारी दिए।
.jpeg)
Posts
