Breaking Posts

6/trending/recent
Type Here to Get Search Results !

गुडिरहेको बसको सिटमै मृत्युको निद्रा, ४३ वर्षीय महिलाको अकस्मात् बिदाइ - Brighter Network


चैत ९, झापा — झापामा चलिरहेको यात्रुवाहक बसभित्रै एक महिलाको निधन भएको छ। शुक्रबार साँझ दमकबाट विर्तामोडतर्फ जाँदै गरेको बसमा सवार मोरङ गछिया निवासी ४३ वर्षीया कुमारी सेलिङ चेम्जोङको यात्रा क्रममा मृत्यु भएको हो।


पूर्वबाट पश्चिमतर्फ गइरहेको मे १ ख २५४५ नम्बरको नागरिक यातायातको बस साँझ करिब ५:५० बजेतिर झिलझिले नजिक आइपुगेपछि अन्य यात्रुले चेम्जोङलाई सिटमै अचेत अवस्थामा फेला पारेका थिए। तत्काल प्रहरीलाई खबर गरिएको थियो।


उनी अचेत भएपछि नजिकैको लालीगुराँस मेडिकल हलमा प्राथमिक उपचार गरियो, तर अवस्था गम्भीर देखिएपछि बीएण्डसी अस्पताल लैजाँदा चिकित्सकले मृत घोषणा गरेका हुन्।


प्रहरीका अनुसार चेम्जोङ दीर्घरोगी थिइन, र प्रारम्भिक अनुमानमा त्यही कारणले निधन भएको हुनसक्ने आशंका गरिएको छ। घटनाको थप विवरण र आवश्यक प्रक्रिया अघि बढाइएको जनाइएको छ।

Top Post Ad

post bottom ads

Ads Bottom