Breaking Posts

6/trending/recent
Type Here to Get Search Results !

देशभर आंशिक बदली, देशका केहि स्थानमा वर्षा र हिमपातको सम्भावना -Brighter Network


चैत १०
— देशभर पश्चिमी न्यूनचापीय प्रणाली र स्थानीय वायूको आंशिक प्रभाव सक्रिय रहँदा कोशी र मधेश प्रदेशका केही स्थानमा आइतबार बिहानैदेखि मेघगर्जनसहित हल्का वर्षा भइरहेको जल तथा मौसम विज्ञान विभागले जनाएको छ।

विभागका अनुसार आज दिनभर वागमती, मधेश र गण्डकी प्रदेशको पहाडी भूभागमा आंशिकदेखि सामान्य बदली रहनेछ भने अन्य प्रदेशमा मौसम मुख्यतः सफा रहने अपेक्षा गरिएको छ।

दिउँसो र राति कोशी, बागमती र गण्डकी प्रदेशका उच्च पहाडी तथा हिमाली भू–भागमा हल्का हिमपात हुन सक्ने पूर्वानुमान गरिएको छ।

त्यसैगरी, कोशी, मधेश, बागमती र गण्डकी प्रदेशका एक-दुई स्थानमा मेघगर्जन, चट्याङसहित हल्का वर्षा हुन सक्ने सम्भावना पनि विभागले जनाएको छ।

हिमपात र वर्षाका कारण दैनिक जनजीवन, कृषि, स्वास्थ्य, सडक तथा हवाई यातायातमा आंशिक प्रभाव पर्न सक्ने भएकाले विभागले आवश्यक सतर्कता अपनाउन सर्वसाधारणलाई अनुरोध गरेको छ।

यसैबीच, आज राति कोशी प्रदेशमा आंशिक बदली रहिरहने र एक-दुई स्थानमा मेघगर्जनसहित हल्का वर्षा तथा हिमपातको सम्भावना पनि उल्लेख गरिएको विभागको बुलेटिनमा उल्लेख छ।

Top Post Ad

post bottom ads

Ads Bottom