बर्दिया, चैत ३। भारतबाट ब्राउन सुगर ल्याउँदै गरेका बाँकेका दुई युवक बर्दियामा पक्राउ परेका छन्। पक्राउ पर्नेमा कोहलपुर नगरपालिका–१ का २० वर्षीय बिजयजंग शाही र ३० वर्षीय लोकबहादुर सोमै मगर रहेका छन्।
उनीहरू पैदल भारतबाट नेपाल प्रवेश गरी लु प्र ०३–००१ प १७८२ नम्बरको मोटरसाइकल चढेर आउँदै गर्दा प्रहरीले शंका गरी चेकजाँच गरेको थियो। चेकजाँचका क्रममा ४.२३ ग्राम ब्राउन सुगर प्लास्टिकको पुडियामा लुकाइएको अवस्थामा फेला परेको जिल्ला प्रहरी कार्यालय बर्दियाले जनाएको छ।
हाल उनीहरूलाई इलाका प्रहरी कार्यालय मैनापोखरमा राखी थप अनुसन्धान भइरहेको प्रहरी निरीक्षक कृष्ण डाँगीले जानकारी दिनुभयो।
यसैबीच, बर्दियाको बढैयाताल गाउँपालिका क्षेत्र हुँदै लागुऔषध ओसारपसारको घटना बढ्दो क्रममा छ। प्रहरी तथ्यांकअनुसार, गत फागुन महिनामा मात्र २० जना लागुऔषधसहित पक्राउ परेका छन्, जसमा अधिकांश यही क्षेत्रबाट समातिएका थिए।
.jpeg)
Posts
