Breaking Posts

6/trending/recent
Type Here to Get Search Results !

ट्रकमा १ हजार ६ सय ३६ किलो गाँजाओसारपसार गर्ने दुई जना चालक पक्राउ - Brighter Network


झापा — सशस्त्र प्रहरी बलले झापाबाट ठूलो मात्रामा लागूऔषध गाँजासहित दुई जनालाई पक्राउ गरेको छ। बुद्धशान्ति गाउँपालिका–४ स्थित मेची राजमार्गबाट प्रहरीले १,६३६ किलो गाँजा बोकेका दुई ट्रक नियन्त्रणमा लिँदै दुई चालकलाई समेत पक्राउ गरेको हो।

पक्राउ पर्नेमा धनकुटा शहिदभूमि नगरपालिका–४ का महेश राई र इलाम माईजोगाई गाउँपालिका–२ का गङ्गाबहादुर बस्नेत रहेका छन्। इलामबाट झापातर्फ गइरहेका को १ ख ५००१ र प्र १–०२–००२ ख ०५८४ नम्बरका ट्रकलाई शुक्रबार सशस्त्र प्रहरीको टोलीले रोकेर जाँच गर्दा ५७ बोरा गाँजा बरामद गरिएको सशस्त्र प्रहरी नायब उपरीक्षक तथा सहायक प्रवक्ता शैलेन्द्र थापाले जानकारी दिनुभयो।

प्रहरीले उनीहरूको साथबाट ८७ हजार रुपैयाँ नगद र पाँच थान मोबाइल फोन पनि बरामद गरेको छ। पक्राउ परेका दुवैजनालाई ट्रकसहित थप अनुसन्धान र कारबाहीका लागि जिल्ला प्रहरी कार्यालय झापामा बुझाइएको प्रहरीले जनाएको छ।

Top Post Ad

post bottom ads

Ads Bottom