सामीका झापा जिल्ला संयोजक शेखर बुढाथोकीका अनुसार चालु आर्थिक वर्षको पुस महिनासम्म मात्रै ४२ जनाको मृत्यु भइसकेको छ। अघिल्लो आर्थिक वर्ष २०८०/८१ मा ८० जना र २०७९/८० मा ४४ जनाले वैदेशिक रोजगारीको क्रममा ज्यान गुमाएका थिए।
यस्तै, चार वर्षको अवधिमा अङ्गभङ्ग भएका ५४ जनामध्ये चालु आवमा १० जना, गत वर्ष ३३ जना र २०७९/८० मा ११ जनाका घटना रेकर्ड भएको सामीले जनाएको छ।
वैदेशिक रोजगारीमा गएका व्यक्तिहरू र तिनका परिवारका लागि सामी परियोजनाले पुनःश्रम स्वीकृति, पारिवारिक स्वास्थ्य उपचार, अङ्गभङ्ग तथा मृत्यु भएकालाई आर्थिक सहायता, सन्तानका लागि छात्रवृत्तिसहितका कार्यक्रम सञ्चालन गर्दै आएको छ।
गत आर्थिक वर्ष २०८०/८१ मा झापाबाट मात्र ६ हजार ५२८ जना महिलासहित ३४ हजार ३६२ जनाले श्रम स्वीकृति लिई वैदेशिक रोजगारीमा गएका थिए। सोही अवधिमा कोशी प्रदेशबाट भने एक लाख ६० हजार ६७२ जनाले श्रम स्वीकृति लिएको तथ्यांक छ।
मेचीनगरमा चालु आर्थिक वर्षमा ३१ वटा अभिमुखीकरण तथा वित्तीय साक्षरतासम्बन्धी कार्यक्रम सम्पन्न गरिएको छ। सो अवधिमा वैदेशिक रोजगारीबाट फर्केका तथा उनीहरूका परिवारसमेत गरी एक हजार ६४६ जनाले सामी परियोजनाको सेवा लिएको जनाइएको छ।
विशेषज्ञहरूका अनुसार वैदेशिक रोजगारी सुरक्षित, जिम्मेवार र मर्यादित बनाउन पूर्वतयारी, अभिमुखीकरण र आप्रवासी श्रमिकको सुरक्षामा केन्द्रित प्रयास अझै प्रभावकारी बनाउनु आवश्यक छ।
.jpeg)
Posts
