Breaking Posts

6/trending/recent
Type Here to Get Search Results !

चितवनबाट हराएको अटो मकवानपुरको मनहरीमा भेटियो - Brighter Network


फागुन २३ गते । चितवनबाट गत माघ ७ गते हराएको तीन पाङ्ग्रे सवारी (अटो) मकवानपुरको मनहरी गाउँपालिका–९ मा फेला परेको छ । चितवन जिल्ला रत्ननगर नगरपालिका–१० बस्ने पुष्पमणि शर्माको बा.पं. ०३–०१ ह. १२२३ नम्बरको अटो मनहरी–९ स्थित ज्यामिरेनजिक फेला परेको इलाका प्रहरी कार्यालय मनहरी मकवानपुरले जानकारी दिएको छ । 


प्रहरी निरीक्षक विशाल सापकोटाका अनुसार बेवारिसे अवस्थामा अटो छाडेर चालक फरार भएका थिए । अटो हराएको सम्बन्धमा शर्माले इलाका प्रहरी कार्यालय मनहरीमा निवेदन दिएको र उक्त अटो फेला पारी सम्बन्धित अटोधनीलाई नै शुक्रबार दिउँसो फिर्ता गरिएको प्रहरी निरीक्षक सापकोटाले बताउनुभयो । 


चोरी भएको अटोमा प्र.०३–००१ ह २०६० नम्बरको प्लेट हालेर चलाएको पाइएको इलाका प्रहरी कार्यालय मनहरीले जानकारी दिएको छ । अटो चोरी गर्नेहरूको खोजी भइरहेको प्रहरीले जनाएको छ । 


यसअघि चोरी भएका २ वटा अटो मकवानपुरमा फेला पारी सम्बन्धित अटोधनीलाई बुझाइएको र अटो चोरीमा संलग्न भएको आरोपमा मकवानपुरबाट चार जनालाई पक्राउ गरी जिल्ला प्रहरी कार्यालय चितवन पठाइएको प्रहरीले जनाएको छ ।

Top Post Ad

post bottom ads

Ads Bottom