चैत १३ गते । बझाङ्गको खप्तडछान्ना गाउँपालिकाका तत्कालीन अध्यक्ष र वडा नम्बर ४ का वडाध्यक्षसहित सात जनाविरुद्ध भ्रष्टाचार मुद्दा दायर गरिएको छ।
अख्तियार दुरुपयोग अनुसन्धान आयोगले सिम्लका घट्ट सिंचाई कुलो निर्माणका लागि आर्थिक वर्ष २०७६/७७ मा विनियोजन गरिएको रकम आर्थिक वर्ष २०७७/७८ मा कुनै काम नगरी भुक्तानी लिई अनियमितता गरेको उजुरीका आधारमा विशेष अदालतमा मुद्दा दायर गरेको हो।
मुद्दामा तत्कालीन गाउँपालिका अध्यक्ष वर्कबहादुर रोकाया, वडा नम्बर ४ का तत्कालीन वडा अध्यक्ष भीमबहादुर रोकाया, तत्कालीन निमित्त प्रमुख प्रशासकीय अधिकृत दीपककुमार रावल, इन्जिनियर सुरेन्द्रबहादुर खाती, प्राविधिक असिस्टेन्ट इन्जिनियर लेखापाल मदनराज जोशी, तथा उपभोक्ता समितिका तत्कालीन अध्यक्ष शमशेर रोकायालाई विपक्षी बनाइएको छ।
अख्तियारले उनीहरूविरुद्ध भ्रष्टाचार निवारण ऐन, २०५९ को दफा ९ र दफा १२ बमोजिम कैद तथा जरिवानाको सजाय माग गर्दै मुद्दा दायर गरेको जनाएको छ।
.jpeg)
Posts
