मिति २०८१ साल फागुन १५ गते दिउँसो पौने दुई बजे कीर्तिपुर नगरपालिका–३, ढाल्पास्थित एक डेरा कोठाको ढोका चाबी तोडफोड गरी सुन, चाँदीका गरगहना तथा अन्य बहुमूल्य सामग्रीहरू चोरी गरिएको घटनामा संलग्न तीन जना व्यक्तिहरू चोरीका सामानसहित प्रहरीको नियन्त्रणमा परेका छन्।
प्रहरी वृत्त कीर्तिपुरबाट खटिएको टोलीले अनुसन्धानको क्रममा सिन्धुपाल्चोक मेलम्ची नगरपालिका–१३ स्थायी ठेगाना भई हाल काठमाडौँ महानगरपालिका–१३ मा डेरा गरी बस्ने ५२ वर्षीय राजकुमार कार्की, धादिङ महादेवबेशी गाउँपालिका–६ घर भई हाल काठमाडौँमा बसोबास गर्दै आएका ३३ वर्षीय फुलबहादुर तामाङ, र भारत बिहार घर भई हाल काठमाडौँमा बस्ने ३२ वर्षीय महोमद इमरानलाई नियन्त्रणमा लिएको हो।
उनीहरूसँगै प्रहरीले सुनजस्तो देखिने २ थान रिङ, सुनजस्तै देखिने १ थान सिक्का, १ थान घडी, चाँदीजस्तो देखिने १ थान तिलहरी, ४ थान बाला, सुनजस्तो देखिने पोतेसहितको १ थान तिलहरी, नगद रु. ३ हजार , १ थान मोबाइल, १ थान कि प्याड मोबाइल, २ थान ल्यापटप, ल्यापटप १ थान, आई फोन १ थान र चोरीका लागि प्रयोग गरिएको १ थान फलामको रड समेत बरामद गरिएको छ।
उनीहरूलाई काठमाडौँ जिल्ला अदालतबाट पाँच दिनको म्याद थप अनुमति प्राप्त गरी थप अनुसन्धान भइरहेको प्रहरीले जानकारी दिएको छ।
.jpeg)
Posts
