 |
| फाइल तस्विर |
प्रहरी निरीक्षक श्रीकृष्ण वानियाका अनुसार मञ्जु तामाङ आफ्ना पतिसँगै आफन्तको घरबाट फर्कँदै थिइन्। तारकेश्वर गाउँपालिका–५ निग्लेनीबाट सवार भएका दम्पती छापडाँडाँमा बसबाट झर्दै गर्दा दुर्घटना भएको हो। बसबाट ओर्लिएपछि पतिले सहचालकलाई भाडा तिर्दै गर्दा मञ्जु बसको टायरमा परेकी थिइन्। टायरले किच्दा उनको खुट्टादेखि कम्मरसम्म गम्भीर चोट लागेको थियो।
घाइते अवस्थामा उनलाई त्रिशूली अस्पताल लगिएको भए पनि चिकित्सकले मृत घोषणा गरेका थिए। शव पोस्टमार्टमपछि परिवारको जिम्मा लगाइएको प्रहरीले जनाएको छ।
प्रहरीले घटनामा संलग्न बस र चालकलाई नियन्त्रणमा लिएको छ भने थप अनुसन्धान जारी रहेको जनाएको छ। यसैबीच, मृतकका आफन्तले दोषीलाई कडा कारबाहीको माग गर्दै पीडित परिवारलाई उचित क्षतिपूर्ति दिनुपर्ने माग गरेका छन्। घटनापछि बसधनी र बस समिति पक्षसँग कुराकानी भई कानुनअनुसार क्षतिपूर्ति उपलब्ध गराउने सहमति भएको समेत प्रहरीले जनाएको छ।
.jpeg)
Posts
