विद्यालय छुटेपछि बाहिरिने क्रममा अर्का विद्यार्थी १२ वर्षीय विकास मण्डलले ज्यामिती बक्सभित्र रहेको धारिलो सामान प्रयोग गरी दीपेशलाई प्रहार गरेका थिए। दीपेशको पाखुरा मुनिको भागमा गहिरो चोट लागेपछि उनलाई आठ टाँका लगाउनु परेको छ। प्रारम्भिक उपचार विद्यालय नजिकैको क्लिनिकमा गरिएको थियो भने थप उपचारका लागि जनकपुर रेफर गरिएको छ।
विद्यालयका प्रधानाध्यापक पवन मण्डलका अनुसार यो घटना जानाजान गरिएको आक्रमण नभइ, सामान्य हाँसीमजाककै क्रममा भएको हो। उनका अनुसार, “छुरा प्रहार जस्तो केही होइन। हाँसीमजाकमा खिचातानी हुँदा ज्यामिती बक्सको धारिलो वस्तुले घोचिएको हो।”
तर दीपेशका काका धनिराम मण्डलले भने घटनालाई सामान्य भनेर लुकाउन नहुने बताउँदै यो जानाजान गरिएको काम भएको दाबी गरेका छन्। उनका अनुसार, कक्षामा सामान्य भनाभनपछि विकासले आक्रोशमा आएर धारिलो वस्तु प्रयोग गरेका थिए।
स्थानीयवासी राजन दासका अनुसार घटनापछि विकास मण्डल फरार छन्। घटनाबारे अनुसन्धान भइरहेको जनाइएको छ।
.jpeg)
Posts
